Vötn og vatnasvið á höfuðborgarsvæðinu - ástand og horfur

Upplýsingar um ráðstefnuna

Ekki er hægt að segja að ofnagreind ráðstefan hafi farið sérlega hátt. Málið er þó mjög mikilvægt fyrir höfuðborgarsvæðið allt. Í dag er hér nóg af vatni í hæsta gæðaflokki, en þá auðlind þarf að tryggja til frambúðar.

Upplýsingar um ráðstefnuna er m.a. að finna á heimasíðu Náttúrufræðistofu Kópavogs sem var einn aðstandenda málþingsins.  

 

Umhverfisráðherra telur brýnt að beina starfsemi frá vatnsverndarsvæðum

Búúiiinnn...

Það er alltaf sérstakt gleðiefni þegar skattaskýrslan er frá. Eins og venjulega náði maður sér í frest, maður fer nú ekki að skila þessu á réttum tíma eins og einhver nörd. Hins vegar voru þessi skil sérstök að því leiti að þau voru framkvæmd sólahring áður en festurinn rann út. 

Það er alveg nýtt!!!

Yfrleytt eru allir frestir, hvaða nafni sem þeir nefnast, nýttir til hins ýtrasta - jafnvel grenjaður út aukafrestur (þó ekki þegar skatturinn er annarsvegar).

Skildi maður smá saman vera að nördast upp með aldrinum...? 

Skemmtilegt vandamál :-)

Það eitt og sér að ætla að varðveita skepnu sem vegur 495 kg og hefur enga innri stoðgrind, er nokkurt vandamál í sjálfu sér. Sennilega væri praktískast að hluta hann sundur frosinn, taka slatta af sýnum s.s. til erfðafræðirannsókna, skella síðan restinni í formalín og láta hann þiðna þar í rólegheitum og undir eftirliti. Skil samt vel að þá dreymi um að geta leikið sér aðeins með dýrið í heilu lagi en hann verður hvort sem er krufinn í frumeindir.

 

Risasmokkfiskur hugsanlega þíddur í risavöxnum örbylgjuofni

Vorið er komið...

Um þetta leyti skellur vorið á skv. Arnþóri Garðarssyni, og ef Arnór segir það þá er örugglega eitthvað að marka það. Hann byggir þessa fullyrðingu m.a. á að um þetta leyti fer að bera á fyrstu farfuglum, gróður er allur í startholunum og þörungablómi í sjó og vötnum að komast á fullt. Skondið að á sama tíma skellur seinni hálfleikur vetrar á okkur - óviðbúnum að vanda. 

En það sem segir manni fyrir víst að vorið sé að koma er símtal sem ég fékk í dag. Hann Arnar er farinn að hugsa sér til hreyfings. Nú styttist í að sett verið á flot og þá er að negla áhöfnina. Þó að við höfum aðeins verið 2-3 um borð í einu á siglingunni frá Frakklandi þá þarf helst sex manns í áhöfn þegar verið er að keppa. Það þýðir að helst þurfa að vera ekki færri en átta manns í hópnum því alltaf eru einhverjr sem ekki geta mætt. 

Svo er bara að vona að menn hafi nú dug í sér til að setja upp  eina langa keppni í sumar, Faxaflóahring eða eitthvað sem aðeins reynir á menn og búnað. Manni finnst eiginlega að það að nota þessa stóru og öflugu báta í það eitt að hringsóla á sundunum kringum einhverja baujur, sé svolítið eins og að eiga fullvaxinn sterajeppa til að rúnta Laugaveginn... 

Þunnur...

Ég fór á árshátíð um helgina. Hún var í alla staði vel heppnuð, matur og drykkur og skemmtiatriði. Hundur í óskilum fór á kostum, mæli eindregið með þeim. Að árshátíð lokinni heilsaði ég upp á nokkra gamla skólafélaga sem höfðu komið saman til að skemmta sér og öðrum. Allt fór þetta fram með friði og spekt og var maður kominn heim milli 4 og 5.

það kom mér því nokkuð á óvart þegar ég vaknaði um kl 11 að finna að stefna mundi í fremur óþægilegan dag. Ekki kannaðist ég við að hafa innbyrt neitt sérstaklega mikið af fljótandi veigum en vera má að samsetning þeirra hafi ekki verið með heppilegasta móti. Það var a.m.k. ljóst þegar leið á daginn að niðurbrotsefni þau sem jafnan myndast þegar skrokkurinn er að losa sig við veigar af þessu tagi, voru með fjölbreytta móti og náðu í sameiningu að valda óvenju víðfemum óþægindum.

Nú eru sjálf óþægindin á bak og burt, en ljóst er að skrokkurinn er ekki alveg búinn að jafna sig á þessu. Í dag var ég að vinna verk sem krefst þess að nákvæmni og fínhreifingar séu í góðu lagi, og - viti menn - hvorugt virkaði sem skildi. Þá rifjaðist upp fyrir mér að ég var marg búinn að reyna þetta meðan ég var í MS verkefninu mínu, ef maður fær sér í glas um helgi þá er ekki fyrr en í fyrsta lagi á þriðjudeginum sem maður getur slægt mýflugulirfu

Hvernig bíl á maður að fá sér???

Merkilegt hvernig maður dettur stundum niður í að skoða og spá og spekúlera í einhverju sem er kannski ekki að fara að gerast alveg strax. Ég er s.s. búinn að vera að skoða bíla á netinu. Ég geri ráð fyrir að eiga trukkinn (Ford Ka, fyrir þá sem ekki vita) uns yfir líkur, en við erum eiginlega búin að ákveða að gera hinn (Citroen C5 station) ekki eldri en 3. ára. Og hvað fær maður sér þegar maður hefur átt þannig bíl í 3 ár?

Þarfagreiningin segir manni að gott sé að eiga bíl sem tekur fjölskilduna og farangur til viku dvalar í sumarbústað og kemur manni þangað án þess að þurfa á sjúkraþjáldara að halda eftir á. Það þýðir að bíllinn verður að vera þokkalega stór (station).  C5 er stór, MJÖG rúmgóður, svipaður og Ford Mondeo en stærri en Subaru á alla kanta. Svo hefur hann þessa FJÖÐRUN sem er engu lík ásamt fleiru sem gerir hann alveg ótrúlegan á langkeyrslu á misjöfnum vegum.

Önnur krafa er sú að vel fari um fullvaxinn mann (mig) í aftursætinu. Sú kríteria útilokar t.d. Peougout 407 vegna lofthæðar en þar skorar Mazda 6 fullt hús. Maxda 5 er líka mjög athyglisverður og fær sérstakt prik fyrir rennihurðirnar.

Svo er sennilega ódýrasta leiðin. Kaupa sér annan Ford Ka (þurfum tvo bíla) og leigja sér bara almennilegan jeppa þá sjaldan maður fer út á land eða í sumarbústað með fjölskilduna í heila viku

Skattlagning á öryggisbúnað - alveg stórsniðugt!!!

Nei sko. Þarna var ónýtt matarhola. Afnotagjald á talstöðvar! Hvers konar bölvaður asnaskapur er þetta. Talstöðvar eru mikilvæg öryggistæki og sorglegt að alþingi skuli ekki sjá sóma sinn í að leitast við að draga úr kostnaði við öryggisbúnað í stað þess að auka við hann. Skamm skamm!!!

„Menn munu fjarlægja þessi tæki“

Körfubolti - ekki svo vitlaus

Um síðustu helgi var ég með stráknum mínum á körfuboltamóti í Keflavík. Þetta var hið árlega Samkaupsmót (í s.k. minnibolta) og var þetta í þriðja skipti sem strákurinn tók þátt. Nú er ég alveg laus við að hafa nokkurt vit eða merkjanlegan áhuga á íþróttum hvaða nafni sem þær nefnast. Þó duldist mér ekki að það var munur á liðunum og hann virtist ekki vera tilviljanakenndur. Lið af suðurnesjum virtust að jafnaði hafa heldur meiri boltafærni og sterkari liðsheild en önnur lið sem ég sá til. Hef því grun um að á meðan strákarnir hér á bæ eru úti í byssó eða á línuskautum séu suðurnesjaguttarnir úti í körfubolta...

Annað sem ég tók eftir var hve stelpurnar spiluðu sinn bolta af mikilli - ja festu skulum við  kalla það! Ég var satt að segja dauðfeginn að strákarnir spiluðu ekki á móti þeim. Ekki svo að skilja að strákarnir slökuðu á eða eitthvað vantaði upp á keppnisskapið. Vissulega urðu menn fyrir hnjaski, lutu í parket og voru bornir útaf með stæl, en úff...

Samt er dagljóst, jafnvel fyrir algeran óvita eins og mig að körfubolti er afskaplega meinlaus íþrótt samanborið aðrar vinsælar greinar eins og fót- og handbolta. Hef t.d. aldrei skilið að menn vilji banna hnefaleika en leyfa handbolta.

 

Má loks mæla...

Jamm, það var þvílíkt fjör í sumarbústaðnum um síðustu helgi að maður er loks núna að verða búinn að kom skikki á tilveruna. Alls voru þarna átta fullorðnir og sex krakkar. Eins og venjulega var lagt upp með hin margvíslegustu markmið (slappa af, borða, dettíða, borða, njóta útiveru, borða, fá sér í glas, slaka á, fara í pottinn, borða o.s. frv.) sem misvel gekk að samræma. Kvennpenngurinn sá um alla skipulagningu og innkaup ef frá eru talin fáein tilvik er tengdust ákveðnum drykkjarvörum. Það sýndi sig líka, skipulagning þýska hersins á leið til orrustu hefði ekki verið fullkomnari.

 Að vísu voru einhverjir karlkyns meðlimir hópsins að velta fyrir sér (eftirá) hvaða tilgangi hinar gríðarlegu matarbyrgðir hefðu þjónað og voru jafnvel sumir (af veikum mætti eins og vænta má) farnir að skipuleggja smá samsæri fyrir nætu ferð. Samsærið átti að felast í því að láta kvenþjóðina einnig sjá um skipulagið í þeirri ferð, en haga hlutum þannig að hún yrði helmingi lengri en gert væri ráð fyrir í skipulaginu. Tilgangur samsærisins  væri sá að komast að því hve lengi matur til þriggja daga raunverulega dygði. 

Ath. Verði upplýsingum um fyrirhugað samsæri lekið til kvenkyns skipuleggjenda næstu ferðar getum við fullyrt að viðkomandi svikari á ekki von á að verða meðhöndlaður skv. Genfarsáttmálanum! 

Færsla 3.

Þegar þetta er skrifað sit ég á kvöldvakt í vinnunni og narta í einhverja brauðstauta sem skv. upplýsingum afgreiðsludömunnar í bakaríinu eiga að vera með skinku- og ostafyllingu. Nú þegar stautur nr. 1 er á enda tel ég mig hafa fundið skinkuna, en er ekki viss með ostinn. E.t.v. verður mér betur ágengt með staut nr. 2, -langar þó ekki sérlega mikið í hann... Eiginlega er einn bara alveg nóg. Best að snúa sér að súkkulaðihúðaða fíkjusultukexinu sem ég keypti til vara

Annars er þetta búin að vera hin athyglisverðasta vakt. Þórhallur miðill var með fyrirlestur um "miðl" í litla salnum hér í safnahúsinu og var fín mæting, eða um 70 manns á föstu formi. Það sem maður heyrði af fyrirlestrinum var ljómandi áhugavert og skemmtilegt og ég er ekki frá því að andrúmsloftið í húsinu hafi verið sérlega notalegt meðan á honum stóð.

Síðasta fimmtudag var einnig athyglisverður fyrirlestur þar sem Magnús Skarphéðinsson fjallaði um fljúgandi furðuhluti og . Ég heyrði nú reyndar aðeins hluta af því erindi. 

Eitt var sérlega athyglisvert þegar litið var til áheyrenda á þessum tveimur erindum, en það var hve mismunsndi kynjahlutföllin voru. Hjá Magnúsi voru karlar ca. 75%, en það snérist við hjá Þórhalli.

Munurinn á strákum og stelpum?  

Jæja, það er þó a.m.k. fíkjusulta í kexinu