29.8.2009 | 16:54
Nú er það ekki svo að mér sé illa við Bjarna Ben...
...þrátt fyrir að hafa af gefnu tilefni hraunað yfir hann í þessari færslu sl. vetur, enda þekki ég manninn ekki neitt. Það er bara eitthvað sem gerist þegar hann fer að tala...
Nú veit ég ekki hve nákvæma mynd þetta fréttakorn gefur af umræddum fundi, en við lestur þess virðist að þarna hafi pólitíkusinn verið í sínu uppáhalds umhverfi, umvafinn jábræðrum sem fögnuðu og klöppuðu á réttum stöðum og voru ekkert að koma með einhverjar óþægilegar spurningar eða vangaveltur. Já, svona vesenislaust umhverfi, þægilegt umhverfi.
Ekkert bannsett borgarafundarumhverfi!!!
En lítum nú á það sem hann sagði (skv. þessu fréttakorni). Það var strax ljóst að stjórnin gat ekki komið samningsóskapnaðinum í gegn um ríkisstjórn, sökum mótstöðu innan eigin raða (andspyrnunnar). Það er því ósmekklegt að hann þakki sér og sínum þá niðurstöðu eins og lesa má úr orðunum Ekki hafi komið til greina að veita ríkisábyrgð á Icesave-samning ríkisstjórnarinnar. Síðan gefur hann sér að andspyrnan hefði gefist upp og draslið farið voða vont í gegn.
Því telur hann að þeir hafi valið ábyrgu leiðina og starfa yfir flokkslínur að málinu, þrátt fyrir óánægju skrímsladeildarinnar í stað þess að vera á móti eins og venjan sé í stjórnarandstöðu.
Klappklappklapp...
Hér kemur svo ekki orð um hjásetu þeirra í atkvæðagreiðslu um afkvæmið (fyrirvarana), en hins vegar er því vandlega haldið til haga að ef skítamixið sem þeir af svo mikilli ábyrgð tóku svona mikinn þátt í að skapa þvert á flokkslínur virkar ekki, þá eigi stjórnin að segja af sér.
Og hvað þá, setja hann í embætti??? Kommon!
Flokkurinn gat ekki einu sinni stutt eigið mál (fyrirvarana) í atkvæðagreiðslu... þrátt fyrir að hann telji að íslendingar eigi að standa við skuldbindingar sinar - skuldbindingar sem nota bene, flokkur Bjarna er jú skrambi ábyrgur fyrir.
Það er þó eitt jákvætt í þessu og það er hið nánast gjörsamlega óhugsandi fordæmi sem þarna skapaðist, þ.e. að þingmenn geti tekið málefnalega afstöðu til mála að þingið geti unnið saman að stórum málum en sé ekki í endalausum pólitískum sandkassaleik úr sér vaxinna morfíswannabea sem halda að vera þeirra þarna á alþingi sé af sama meiði og stuðningsmanna fótboltaliða (Man. udt. sökkar, Liverpool er best...)!
![]() |
Víki verði fyrirvörum hafnað |
Tilkynna um óviðeigandi tengingu við frétt |
Tenglar
Áhugamálin
Ýmsar slóðir
- Íslenskar GPS ferlar - gönguleiðir Íslenskar GPS ferlar - með áherslu á gönguleiðir
- Kortavefsjá Landmælinga Hér er það sem þú finnur ekki á Google Earth eða Ja.is - almennilegar hæðarlínur!
- Vatnajökulsþjóðgarður Hellingur af upplýsingum, gönguleiðir og kortavefsjá svo eitthvað sé nefnt...
- www.safetravel.is/ Upplýsingasíða Landsbjargar. Þar er m.a. að finna sprungukort af Lang- og Snæfellsjökli
- Ganga.is Snilldarvefur með gönguleiðum um allt land
- Heimasíða Toppfara Hér er hafsjór af upplýsingum um flest sem tengist fjallamennsku. Hér er einnig að finna BÚNAÐARPRÓFANIR.
- Fjöll erlendis Hellings upplýsingar ef hugurinn leitar út fyrir landsteinanna
- Siglingablogg Flækst frá Frakklandi til Íslands - sjóleiðina
- Sportkafarafélagið Er alltaf á leiðinni útí aftur...
GRÆJUR
- Spot gervihnattasendir Tja. sjón er sögu ríkari...
- "Gear reviews" Alls konar útvistarbúnaður tekinn á beinið...
Athugasemdir
Rislítill foringi sjálfstæðisflokksins sagði á fundinum fullur ábyrgðar:
Og þannig stóð á að Bjarni "litli" Ben sat hjá og .....klappklapp.
Axel Jóhann Hallgrímsson, 29.8.2009 kl. 17:26
Svona, svona - anda djúpt... inn um nefið - út um munninn![](/js/tiny_mce/plugins/emotions/images/Wink.png)
Sennilega er Bjarni að reyna að halda öllum góðum í þessum flokki sínum með þessu rugli - taktík sem aldrei getur gengið. Því fyrr sem það óhjákvæmilega gerist og þessi flokkur klofnar í tvær til þrjár fylkingar (skrímsladeildina, evrópusinnana og frjálslynda hægrimenn), því betra fyrir alla - nema kannski Bjarna sjálfan - sé ekki alveg hvar hann ætti heima.
Haraldur Rafn Ingvason, 30.8.2009 kl. 19:27
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.