Aftur óhapp í Vendée Globe

Nú eru fyrstu skúturnar komnar fyrir Hornhöfða og er örugglega andað léttar þar um borð.  Þó  andar  trúega enginn  léttar í þessum flota en  Jean Le Cam, sem varð fyrir því að bát hans hvolfdi um 200 sjóm. SV af Hornhöfða. Jean var bjargað heilum á húfi af einum keppinauta sinna nokkrum klst. eftir óhappið.

Ástæða þessa óhapps var sú að megin kjölfesta bátsins, vindillaga lóð neðst á kilinum, datt af með þeim afleiðingum að bátnum hvolfdi umsvifalaust!

Ein af grunnhönnunarforsendum seglbáta er að stöðugleiki þeirra sé mikill, þ.e. að þeir rétti sig auðveldlega við þótt þeim sé hallað. Svokölluð stöðugleikakúrfa (GZ - afl sem þarf til að halla bát) er gjarna hæst við 60-80° halla. Hvolfi seglbát hinsvegar, t.d. við að fá á sig brotsjó, er hann samkvæmt þessum sömu hönnunarforsendu óstöðugur á hvolfi og á því að rétta sig við aftur. Þessir eiginleikar gera seglskútur að einhverjum öruggustu farkostum á sjó sem völ er á.

Þetta myndband segir allt sem segja þarf! 

Athugasemdir

[Ester Rut Unnsteinsdóttir, 8.1.2009 kl. 09:34]

hrikaleg tilhugsun um að slasast svona, vissi ekki að þú værir skútukall. 

Þá verður þú að sjá þessa þætti - norsku Berserkirnir eru í miklu uppáhaldi hjá okkur, kynntumst þeim í Noregi og höfum haldið áfram að fylgjast með ævintýrum þeirra á skútunni Berserk

sjá: http://nrk.no/berserk/

[Haraldur Rafn Ingvason, 8.1.2009 kl. 16:28]

Hæ og takk fyrir tengilinn. Jú, skútusulliið hefur hjálpað manni að halda í restina af geðheilsunni. Við vorum farnir að plana að taka þétt í keppni í sumar þar sem siglt verður frá Frakklandi, hingað til lands og aftur til baka. Hefði kannski orðið af því ef...!

Ef þú hefur áhuga þá er tengill á siglingablogg hér við hliðina þar sem við lýsum einmitt ferð okkar frá Frakklandi á sínum tíma.