Kolviður???

Hafði mig loks í að skoða heimasíðu Kolviðar. Að lestrinum loknum sló inn gögn varðandi fjölskyldubílinn, skildi ég vilja friða samviskuna og kolefnisjafna eitt stykki Citroen C5. Þar kemur fram að bíllinn fretar út 5,1 tonni af CO2 á ári og til að kolefnisjafna það þarf að gróðursetja 48 tré. Það þarf sem sagt u.þ.b. 50 tré til að binda 5 tonn af CO2. Það þýðir að 10 tré binda 1 tonn. Hvert tré bindur því 100 kíló. - nýgróðursett!!!

Það sem ég sakna sárlega á þessari síðu er að ekki skuli vera gerð vandlega grein fyrir því hvernig og í hve miklum mæli kolefnisbinding skóga fer fram. Trúið mér, fullt af fólki mundi kynna sér það vel og vandlega. Ég fann ekkert um hve langur tími líði þar til raunveruleg kolefnisbinding fer að verða, né heldur hvernig hugmyndin er að binda það til frambúðar. Á síðunni má skilja að það kolefni sem einusinni hefur verið bundið í trjám sé það um aldur og eilífð sbr:

 "Bindigeta skóga er breytileg eftir landgæðum og tegundasamsetningu skógarins. Samkvæmt rannsóknum Rannsóknarstöðvar Skógræktar ríkisins getur árleg binding numið um og yfir 20 tonn af CO2 á hektara. Val trjátegunda hefur einnig áhrif. Sumar trjátegundir lifa um mannsaldur en aðrar vaxa í mörg hundruð ár. Fái náttúran að hafa sinn gang fellur gamli skógurinn og kolefnið binst í sverðinum og ný kynslóð tekur við.

Á illa förnu landi verða ræktaðir fjölbreyttir skógar sem binda kolefni auk þess sem þeir gegna fjölþættu hlutverki fyrir menn og lífríki. Kolviðarskógar sem ræktaðir eru á Íslandi skulu verða opnir almenningi sem yndisskógar. Þá má grisja og hirða en ekki er gert ráð fyrir að viður sé numinn á brott úr skóginum. Gengið er þannig frá samningum við landeigendur að ef skógur þarf að víkja fyrir öðrum landnotum fái Kolviður tapaða bindingu að fullu bætta."

Hér að ofan eru feitletruð nokkur atriði sem þarfnast umhugsunar. Ég hnýt sérstaklega um það að gert skuli vera ráð fyrir því að kolefni fallins skógar bindist í sverðinum, en eins og framsetningin er þá má skilja þetta sem svo að allt bundið kolefni hinna föllnu trjáa bindist -er ekki gert ráð fyrir niðurbroti, eða á hin nýja kynslóð að binda það sem þannig losnar?

Ég efast ekki um að hugmyndin er einlæg markmiðið háleitt. En eins og framsetningin er þá virkar þetta á mig sem ódýr brella til að friða samviskuna og gefa fyrirtækjum og pólitíkusum ódýrt færi á að stimpla sig umhverfisvæna.

1 1/2 * af ***** mögulegum. Sorrý

Athugasemdir

[Geiri (IP-tala skráð) 7.6.2007 kl. 19:44]

Ég er einn þeirra sem hef ekki fallið fyrir þeirri rétthugsun sem er nú ríkjandi þegar kemur að gróðurhúsarkenningunni, því keyri ég um með hreina samvisku án þess að kvitta undir þetta verkefni. Hinsvegar vona ég auðvitað eftir heinum orkugjöfum í framtíðinni af ýmsum öðrum ástæðum, t.d. eiturefnum (CO2 er það ekki) og hversu slæmt það er efnahagslega fyrir heimsbyggðina að vera háð olíunni. 

[Svava S. Steinars, 8.6.2007 kl. 01:46]

Þetta er bara auglýsingaskrum og ekkert annað.  Hvaða tegund af trjám á að planta ?  Hversu mörg, hve mikið binda þau eftir aldri  osfrv osfrv.  Og af hverju á alltaf að fylla landið af trjám ??  Bleeeeeh!

[Friðþjófur (IP-tala skráð) 14.6.2007 kl. 09:24]

Ég hef haft stórar efasemdir um þessa CO2 útreikninga Kolviðar.  Samkvæmt íslenskri rannsókn er 54 ára gamall birkiskógur að binda 1,0-1,3 tonn CO2/ha/ár og á hverjum hektara eru að meðaltali 3000 tré!!!  Og þú þurftir skitnar 50 plöntur til að binda 5 tonn,.....  ekki alveg að stemma upp á tvo aukastafi í mínum huga.

[Kristján B. (IP-tala skráð) 3.7.2007 kl. 18:30]

Áhugaveð grein varðandi Kolefnisbindingu, það vantar mikið af upplýsingum hjá Kolvið svo ég kaupi þeirra lausn á CO2. Ég tel að þarna sé á ferðini fallegt framtak til skógrægtar en mikið vanti upp á svo það virki fyrir alvöru til að binda CO2.  Svo er líka mikið misræmi í upplýsingum frá þeim. Eins og þú bendir á segja þeir að árleg binding geti numið 20 tonnum en á síðu Landgræðslu ríkisins segir:http://land.is/landbunadur/wglgr.nsf/key2/co2.html"Kolefnisbinding með landgræðslu er mjög breytileg eftir aðstæðum og aðferðum. Í skýrslu Verkefnisstjórnar átaks í landgræðslu og skógrækt 1997-2000, Binding kolefnis í gróðri og jarðvegi (2000) kemur fram að samkvæmt þeim rannsóknum sem þá höfðu verið gerðar var binding á bilinu 2-4 tonn af CO2 á hektara á ári, en að meðaltali 2,9 tonn. Þetta er miklu meira en þekkist í landgræðslu í flestum öðrum löndum"    Þarna er greinilega mikill munur 2,9 tonn í 20 tonn ??  Mig langar aðeins að bæta við upplýsingum á síðuna þína. Þ.e.a.s. upplýsingum hvað gerist við bruna á hefðbundnu eldsneyti á vélum þar sem ég þekki nokkuð til þeirra, á eins einfaldan hátt og ég get. En það ber að athuga að í vél er bruni afar flókið ferli. En í allra einföldustu mynd er það eftirfarandi:Allt eldsneyti sem notað er á brunavélar: Bensín, steinolía og Dísel hefur sirka hlutfall af Kolefni (C) á móti Vetni (H) 1:2, þ.e.a.s  (CnH2n). Eina eldsneytið sem hefur hærra hlutfall er Metan (CH4) Til að brenna eldsneyti þarf súrefni (O). Í andrúmslofti er um 78% Köfnunarefni (NO), 21% Súrefni.  Við bruna gerist eftirfarandi: Kolefnið + Súrefni myndar annaðhvort Kolsýring (CO) eða Koltvísýring (CO2).  Vetni (H) + Súrefni myndar eingöngu vatn (H2O).  Vatnið er í lagi svo við sleppum þeim hluta. Þannig við horfum á CO og CO2 hér.Einhvernstaðar verða slæmir að vera, og hér er það Kolefnið (C). Við lélegan bruna í vélum myndast míkið af (CO) sem er afar eitruð gastegund og hana vill enginn. Við góðan bruna í vélum er reynt að fá Kolefnið (C) til að mynda CO2 en ekki (CO).   Við bruna á einum lítra af bensíni. (ca. 0.776 kg.) myndast um 2,25 kg. af CO2.Til að finna út hversu mikið myndast af CO2 þá er það eftirfarandi þumalfingursregla sem virkar:Lítrar af eldsneyti x 2.25 = ____ kg. af CO2Við bruna á þotueldsneyti gildir þetta líka nema að þar þarf að margfalda með 4 til viðbótar þar sem um er að ræða fjórföld áhrif varðandi gróðurhúsaáhrif. En losun á CO2 í 30.000 fetum hefur að mynsta kosti 4 föld áhrif miðað við að losa CO2 á jörðu niðri. Líftími CO2 í andrúmslofti er um ca. 120 ár áður en það nær að bindast í einhveri nýrri mynd á ný.Líftími Metan (CH4) er um 15 ár.  Metan myndast við rotnun lífmassa eins og laufs sem fellur á haustin en Metan (CH4) hefur um 15 sinnum meiri gróðurhúsaráhrif en CO2.  svo hver er raunbinding á CO2 með laufi?Þegar hér er komið er talsvert komið af nokkuð góðum staðreyndum til að spá í hvað tré getur bundið míkið af Kolefni.Tré er samsett úr mismunandi Kolvetniskeðjum  (CH), vatni og öðrum efnum. Hvert er ca. hlutfallið? (CnHn)   Tré getur enganveginn bundið meira af kolvetni en sú þyngd sem það getur bætt við sig á ári, minus vatn og önnur efni.  Hvað getur tré bætt við sig miklum massa á milli ára svo lengi sem það lifir? Hæsta tré á íslandi mælt 2006 var Alaskaösp 24.2 m. á hæð í Hallormsstaðaskógi. Gróðursett 1970. sem sagt 37 ára gamalt. Þyngd?  Hér vantar upplýsingar. En ef við gefum okkur hámarkstærðir gæti ég gískað á eftirfarandi Stofninn er að hámarki 2.3 tonn, greinar 1,2 tonn, rótarkefi 1.5 tonn. = 5 tonn.  Þá er það spurningin, hvað er mikið af Kolefni í þessum massa – (vatn og önnur efni) ef maður gefur sér að kolefnið í öllum þessum massa sé hámark 60% þá er binding þessa trés hámark  0.6x5T = 3 tonn af C deila í það með aldri (37) = 81 kg. á ári, sem þetta tré hefur bundið af Kolefni á meðaltali á líftíma sínum. En smá hrísla við gróðursetnigu vegur 1-2 kg.  og tekur talsverðann tíma að vaxa. Þyngdar aukninginn á tré er alls ekki línuleg. Þess konar tré getur ekki farið að binda 81 kg. Colefni fyrr en eftir 25 ár í fyrstalagi.Svo er annað. 1kg af CO2 er 0,375kg hreint Kolefni. Rest er Súrefni, Þannig að við hvert eitt kg. af Kolefni sem tré getur bundið þarf  2,66 kg af CO2.Þannig, að til að binda 81kg af Kolefni þarf  215.5 kg. af CO2.Ef bíll eyðir 8 lítrum af bensíni á 100 kílómetrum og er ekið 15.000 kílómetra á ári, gerir það 935 kg. af bensíni, sem svo aftur mynda 2.8 tonn af CO2 á ársgrundvelli. Ef við skoðum ca. 25 ára ösp. Sem hugsanlega getur bundið 215 kg af CO2 á ári þá þarf  13 þannig stærðar tré, (alvöru tré ekki einhverjar ný gróðursettar hríslur) til að binda eins árs CO2 útblástur bifreiðar.   Til að binda CO2 í trjárækt þarf að gróðursetja margfalt meira af trjám, og það stöðugt auk þess að tré eru ekki eilíf.  Það tré sem hér er skoðað er hæsta tré Íslands. Birki á íslandi nær ekki nærri því þessari hæð og tekur mun lengri tíma að vaxa.   Til að Kolefnisjafna að einhverju viti með gróðursetnigu þarf betri útreikniga og skýringar.Mér þætti gaman að sjá tiltölulega nákvæma útreikninga á CO2 bindingu með skórækt. Þá tekin fyrir kannski 3-6 helstu trjátegundirnar flokkaðar niður eftir hversu míkið þær geta bundið af CO2. Þarna þarf að vera inni líftími trjáa? Hve míkið af massa trjáa er kolefni, vatn og önnur efni?  Hver er massaauknig trés frá gróðursetnigu til 100 ára aldurs. Lauffall á milli ára þar sem við á (Greni er sígrænt). Hversu mikið af CO2 og CH4 skilar tré til baka þegar það deyr?Þegar þessum spurnigum er svarað er hægt að gera raunhæft dæmi um Kolefnisbindingu. Ég hef ekki fengið þessi svör enn, en þætti afar vænt um ef einnhver hefði þau sem les þetta.