Þráðleysið er yndislegt

Gamla iBookin mín hefur fengið frelsi ef svo má segja. Tölvan er af gerðinni iBook SE 466 og komst glæný í mína eigu í mars 2001.  Á dögunum útvegaði ég mér netkort í hana, en þau hafa ekki legið á lausu í langan tíma og voru bæði rándýr og lítt praktísk á árum áður. Nú er það hins vegar svo að þráðlaus net eru um allt og því er nú gripurinn aftur kominn með fullt notagildi þegar kemur að vefrápi og léttri vinnslu, en ekki bara söfnunar og tilfinningalegt gildi.Það er nefnilega þannig að vélin hefur gengið alveg vandræðalaust allan þennan tíma. Á myndinni sést hver vélbúnaðurinn er og sú staðreynd að hún keyrir nýjasta stýrikerfið frá Apple og gerir það alveg furðu vel (gaman væri að sjá einhvern reyna að keyra windows vista á miðlungs öflugri pc fartövu frá árinu 2001)

 

Athugasemdir

[Hallgrímur Egilsson, 14.4.2007 kl. 00:32]

Hún keyrir Tigerinn skammlaust? Það þykir mér frábært. Frúin mín á ekki nema þriggja ára IBM og hún er ekki neitt til að hrópa húrra fyrir, ég læt mig ekki dreyma um að setja Vista á hana. Ég nýt mín til fulls á mínum 24" iMac... og frúin reyndar líka... hún situr fyrir framan skjáinn minn þegar ég er að vinna...

[Haraldur Rafn Ingvason, 14.4.2007 kl. 09:16]

Hún keyrir Tigerinn  án vandræða.  Netráp ásamt léttri texta- og myndvinnslu gengur líka án vandræða (vitanlega er þetta ekkert fyrir hraðafíkla). Ég hef reyndar prófað að setja eitt og annað inn á hana og það eina af því sem hún hefur alls ekki keyrt er Google Earth. Hún er náttúrlega barn síns tíma, skjáupplausn er 800x600 og harði diskurinn er 10 gíg, þannig að hún er ekki til stórræða miðað við vélar í dag. 

[Villi Asgeirsson, 14.4.2007 kl. 17:11]

Þráðleysið er ómissandi þegar maður er orðinn vanur því. Ég er að pikka þetta úti í garði í 25 stiga hita á Powerbook tölvu sem ég keypti fyrir tveimur árum. Ég var orðinn svo þreyttur á HugsPöddunni. Þetta er allt annar og mikið skemmtilegri heimur. Flott frammistaða hjá iBókinni þinni. Spurning hvort ég verði ennþá með OrkuBókina árið 2011. Gæti bara alveg eins verið.