Orsök / afleiðing...?

Ásgeir Jónsson telur brotaforðakerfið mæta þörf landsmanna fyrir þann sveigjanleika sem þeir vilja búa við í fjármálum. Aðalrökstuðninginn er að finna í þessari klausu:

"Hann seg­ir ljóst að fáir vilji binda pen­ing­ana sína til lengri tíma, held­ur vilji fólk al­mennt hafa þá lausa. Þá vilji flest­ir jafn­framt eiga kost á láni til lengri tíma, fyr­ir­tæki vilji eiga kost á láns­tíma til jafns við end­ing­ar­tíma fram­leiðslu­tækja og ein­stak­ling­ar vilji miða hús­næðislán­in við vinnuæv­ina. „Það er ákveðin þver­sögn til staðar. Fólk vill spara en það vill ekki binda pen­ing­ana sína. Á sama tíma vilja fáir taka lán nema til langs tíma,“ seg­ir hann og bæt­ir við að brota­forðakerfið svo­kallaða, sem er kerfið sem Íslend­ing­ar og aðrar þjóðir búa við, mæti þess­ari þörf."

Hver vill hafa fjármuni bundna tl langs tíma í íslenskri krónu, hafandi horft á feril hennar undanfarin ár og áratugi? Enginn, og þess vegan er fjárfest í steypu!

Hvernig dettur honum í hug að fólk vilji miða húsnæðislán við vinnuævina? Enginn, en annað er ekki í boði fyrir flesta, sérstaklega eftir bólu!

Ég sé ekki betur en að hann hafi þarna tekið hrikalegar afleiðingar þess að búa við þennan handónýta gjaldmiðil sem ekki gengur upp nema að hafa verðtryggingu og túlki þær sem vilja fólks. Eins og það hafi eitthvert val þessa dagana...

 

 

Eins og að nota fallbyssu á rjúpu

Athugasemdir

[Guðmundur Ásgeirsson, 31.3.2015 kl. 19:25]

Tillögur þær sem hér er um að ræða miða einmitt að því að breyta íslenskum peningamálum í burt frá því glapræði sem hingað til hefur verið iðkað, yfir í eitthvað skynsamlegra.

Verði þær tillögur að veruleika gæti íslenska krónan jafnvel orðið meðal sterkustu gjaldmiðla heims.

Þess vegna eru þetta mjög mikilvægar tillögur sem eru allrar frekari athugunar verðar.

[Bjarni Gunnlaugur (IP-tala skráð) 31.3.2015 kl. 22:25]

Það er sorglegt að horfa upp á hversu litlar undirtektir þetta mikilvægasta hagstjórnarmál Íslendinga ætlar að fá.

      Frosti reynir, en aðrir ganga úr skaftinu. Trúlega eru hagsmunir banka og lífeyrissjóða of sterkir að halda sig við núverandi kerfi, til að málið nái flugi.

     Of mikil peningaprenntun, þ.e. umfram verðmætaaukningu hagkerfisins veldur verðbólgu og þar með er verðmætum stolið úr vasa allra þeirra sem áttu peninga fyrir. 

Þeir sem prennta/búa til peningana eignast náttúrulega þessi verðmæti. 

Í dag er þetta vald hjá fjármálafyrirtækjum sem verður til þess að þau sóða með þessu til sín verðmætum úr vasa almennings sem er svo að auki bundinn á klafa verðtryggingar.

Að nokkur skuli mæla þessu bót!