Má loks mæla...

Jamm, það var þvílíkt fjör í sumarbústaðnum um síðustu helgi að maður er loks núna að verða búinn að kom skikki á tilveruna. Alls voru þarna átta fullorðnir og sex krakkar. Eins og venjulega var lagt upp með hin margvíslegustu markmið (slappa af, borða, dettíða, borða, njóta útiveru, borða, fá sér í glas, slaka á, fara í pottinn, borða o.s. frv.) sem misvel gekk að samræma. Kvennpenngurinn sá um alla skipulagningu og innkaup ef frá eru talin fáein tilvik er tengdust ákveðnum drykkjarvörum. Það sýndi sig líka, skipulagning þýska hersins á leið til orrustu hefði ekki verið fullkomnari.

 Að vísu voru einhverjir karlkyns meðlimir hópsins að velta fyrir sér (eftirá) hvaða tilgangi hinar gríðarlegu matarbyrgðir hefðu þjónað og voru jafnvel sumir (af veikum mætti eins og vænta má) farnir að skipuleggja smá samsæri fyrir nætu ferð. Samsærið átti að felast í því að láta kvenþjóðina einnig sjá um skipulagið í þeirri ferð, en haga hlutum þannig að hún yrði helmingi lengri en gert væri ráð fyrir í skipulaginu. Tilgangur samsærisins  væri sá að komast að því hve lengi matur til þriggja daga raunverulega dygði. 

Ath. Verði upplýsingum um fyrirhugað samsæri lekið til kvenkyns skipuleggjenda næstu ferðar getum við fullyrt að viðkomandi svikari á ekki von á að verða meðhöndlaður skv. Genfarsáttmálanum! 

Athugasemdir

[Magnea (IP-tala skráð) 8.3.2007 kl. 23:27]

je je je  þú hafðir nú ekkert á móti því að hafa mikið úr að velja þ.e. miklar matarbyrgðir.  

Síðan ein smá ráðlegging,  ef maður er að skipuleggja samsæri er ekki gáfulegt að birta það á netsíðunni sinni

Ein af skipuleggjendum  

[Gurra (IP-tala skráð) 17.3.2007 kl. 13:51]

Tek undir hvert orð hjá Magneu - ætla samt ekki að koma með tillögu um að karlmennirnir í hópnum verði látnir versla í matinn :) Nema þá etv Árni! Ég er nokkuð viss um að maturinn yrði SS pylsur, síldardós, fullt fullt af nammi og frosið læri - já og bara eitt læri fyrir hópinn :D Krydd á lærið er ég ekki viss um að yrði tekið með.

Nú - svo er það spurning hvort einhver af ykkur körlunum geti skellt í pönnsur? Eigum við að setja upp pönnukökukeppni á Fossá :) :D

 Takk annars fyrir afar góða ferð.

Gurran