Gleymum flokksskýrteinum þegar kemur að skólamálum...

...þau snúast nefnilega um alvöru verðmæti, þ.e. menntunarumhverfi barnanna okkar.

Það er ekkert nýtt að borgaryfirvöld fái einhverjar flugur í höfuðuð og keyri þær í gegn eins og þetta mál. Það er gamalkunnug taktík að vinna mál inni á kontór, handa upplýsingum frá hagsmunaaðilum og keyra þau svo í gegn á kynningarfundum þar sem kynnendur hafa tögl og hagldir.

Íbúar Grafarvogs eru orðnir allvanir þessari aðferð (og farnir að læra á hana) enda hefur henni verið beitt hér óspart frá því fyrir síðustu aldamót. Hve oft hafa borist fregnir af mótmælum, undirskriftarlistum og öðru andófi úr þeim borgarhluta á undanförnum árum? Ég veit það ekki en það er býsna oft.

Fyrir réttu ári stóðum við aftur og enn í baráttu við þáverandi borgaryfirvöld - einmitt út af hugmyndum um sameiningar skóla. Málið var unnið í nefnd og lögð fram arfaslök skýrsla sem fylgt var eftir með kynningarfundum úti í hverfunum, en flestir höfðu það á tilfinningunni að í raun væri búið að taka ákvörðun.

Skemmst er frá því að segja að málið var skotið í kaf, borgaryfirvöld send heim með skottið milli lappanna og málið tekið af dagskrá - enda ljóst að ekki væri hægt að fara í slíkar skipulagsbreytingar í fullkomnu ósætti við flesta sem málið varðaði.

Nú ári síðar er hið sama aftur uppi á teningnum. Ný borgarstjórn en sömu vinnubrögð.

Flestir hér í norðanverðum Grafarvogi hafa lært að þegar kemur að því að eiga við borgaryfirvöld eru flokksskýrteini eitthvað sem best er komið á skúffubotni. Það skiptir nefnilega engu máli hvort sá sem ætlar að beita þig ofríki telst vera til vinstri, hægri eða eitthvað þar á milli.

Það bara skiptir engu máli!!!

Munu hlusta á athugasemdir

Athugasemdir

[Bergljót Gunnarsdóttir, 20.3.2011 kl. 10:30]

Skírteini skipta engu. Það sem skiptir máli er vönduð og ígrunduð umræða um málið, með eða án skírteinis.

[Bergljót Gunnarsdóttir, 20.3.2011 kl. 10:41]

Það mætti líka gjarnan leita leiða til að gera nemendum námið léttara og skemmtilegra. Það ætti ekki að koma í veg fyrir námsárangur, en eins og allir vita byggist hann mikið á að umhverfið sé í jafnvægi.  Hatrammar deilur og óánægja koma alltaf niður á nemendunum, svona álíka og svæsin hjónarifrildi geta rústað öryggiskennd þeirra, en friður á heimilinu híft þau í hæstu hæðir andlega.

[Haraldur Rafn Ingvason, 20.3.2011 kl. 12:34]

Sammála.

Það hefur nefniega borið aðeins á því að menn hafa verið að stimpla þetta mð pólitík. Þannig blésu sjálfstæðisfélög til mótmælafunda og samfylkingarféalg vestur í bæ sendi frá sér stuðningsyfirlýsingu við fyrirhugaðar aðgerðir.

Það þarf hins vegar að halda flokkspólitík utan við þetta mál og vinna það af skynemi og fagmennsku.