Ólýðræðisleg vinnubrögð valdaræningja í Gnarrenburg...?

Manni finnst að miðað við sumt sem skrifað er hér á bloggið hljóti ofangreind fyrirsögn að blikka með bleikum neonstöfum á öllum helstu vefmiðlum landsins. Ljóst  er mörgum er ofboðslega mikið niðri fyrir vegna Besta flokksins og þeirri staðreynd að hann hlaut annað eins brautargengi í kosningunum!!!

Vitanlega eru heittrúaðir fylgjendur Rétta flokksins hundfúlir yfir því að snúið hafi verið út úr hefðbundnum klisjum þeirra (sjálfbært gegnsæi), lofað að stunda spillinguna opinberlega og allt það. Svona er jú bara ekki gert!!!

Pólitíkusar Rétta flokksins eru líka alveg brjálaðir - það á nefnilega ekki að fara út í pólitík fyrr en menn eru orðnir fullnuma í í pólitíkusaskóla Rétta flokksins og búnir að vinna sig upp innan hans. Það er náttúrlega hreinasta frekja og ókurteysi að troða sér fram fyrir röð - ekki satt...?

Og hvað skildi það svo vera sem þetta fúla, sára og reiða fólk grípur til þegar það reynir að finna útrás fyrir pirringinginn yfir nýafstöðnum varnarsigri Rétta flokksins.

Jú, lýðræðisást!

Besti flokkurinn er ólýðræðislegur! Hann komst til valda með ólýðræðislegum málflutingi, kemur fram af ólýðræðislegum fíflagangi og velur sér að sjálfsögðu vitlausan, óalandi og óferjandi aðila til að bulla við um næstu framtíð höfuðborgarmála.

Og svo dettur þessum ólýðræðislegu vitleysingum í hug að hleypa borgarbúum að með hugmyndir og innlegg í ofangreindar umræður...! Svoleiðis náttúrlega bara geri maður.... afsakið, Rétti flokkurinn ekki - það bara nær engri átt!!!

Ég held að þeir sem hvað ákafast nörta yfir þessu máli og reyna að tala Besta flokkinn út í mýri, ættu að reyna að ná sér í aðstoð, einhvers konar áfallahjálp. Rétti flokkurinn hefur haft langan tíma til að sýna hvað í honum býr. Að þessu sinni var einfaldlega ljóst að framboð af Rétta flokknum var meira en eftirspurn. Lýðræðið skar úr um það. Er því ekki rétt að bíða með skítkastið, í það minnsta þar til Besti flokkurinn hefur klúðrað einhverju sem máli skiptir.

Skoðanaskipti í Skuggaborg

Athugasemdir

[Davíð Þ. Löve, 3.6.2010 kl. 20:05]

Aldeilis laukrétt! Svona gerir bara "Rétti flokkurinn" ekki. Góð grein félagi.

[Margrét (IP-tala skráð) 3.6.2010 kl. 20:52]

Þetta er brilliant vefur hjá Besta flokknum og eiga þeir heiður skilið. Vonandi verða borgarbúar duglegir að setja inn hugmyndir því það er nú þannig að hópurinn kemur oftast með betri hugmyndir en gáfaðasti einstaklingurinn :)

[Kristinn Bjarnason (IP-tala skráð) 4.6.2010 kl. 03:23]

http://skuggathing.is

[Árni Gunnarsson, 4.6.2010 kl. 17:45]

Afar margir tala um "ógnun við lýðræðið" og sumir kalla þetta niðurlægingu lýðræðisins.

Enginn hefur þó fært sönnur á að um kosningasvik hafi verið að ræða.

Og svo minnir mig að Rétti flokkurinn hafi boðið fram hér í borginni.

[Haraldur Rafn Ingvason, 4.6.2010 kl. 20:08]

Takk fyrir innlitin. Þessi málflutningur um hversu hættulegur Besti flokkurinn er lýðræðinu hefur verið mér gjörsamlega framandi.

Svo fer nú að hitna í kolunum, Jón orðin borgarmeistari í Gnarrenburg...